|
Mu bufunze
Alidde obwami
OMUDUUMIZI wa poliisi, Maj. Gen. Kale Kayihura alonze Judith
Nabakooba okukola ng’omwogezi wa poliisi. Kino kiddiridde abadde
omwogezi waayo, Gabriel Tibayungwa okuweebwa omulimu mu kibiina
ky’amawanga amagatte ekya UN ng’akolera mu Central African Republic.
Kayihura era alonze Julius Shalita okukola mu kifo kya Bob Ngobi abadde
ow’okunoonyereza n’okuteekateeka naye eyagenze mu New York ekya Amerika
gye yaweereddwa omulimu mu UN.
Bakaggadde
ABALIMI b’e Luweero basattira olw’abakulembeze okuggyawo akatale
gye batunda ebirimu buli Mmande. Abakulembeze b’ekibuga Luweero bagamba
nti abalimi tebaagala kuwa mpooza kyokka baleka bajamawaza ekibuga.
Akulira kkampuni eyoola ebisaaniiko mu Luweero, Jan Michael Mock agamba
nti akatale bakawoozaamu 360,000/- omwezi kyokka nga bakozesa 250,000/-
okuyoola ebisaaniiko mu katale kano.
Dfcu egabye
ABA bbanka ya Dfcu bawadde abalwadde ba siriimu obukadde buna
okugula eddagala n’ebikozesebwa ebirala. Ssente zino baaweereddwa aba
Hope Clinic e Lukuli, Makindye era ceeke yakwasi-ddwa alikulira,
Phillip Mitchel. Aba Dfcu baakubirizza abantu okwekebeza omusaayi.
Published on: Sunday, 16th March, 2008
|
